Një ngjarje e rëndë është zbuluar të ketë ndodhur për një kohë relativisht të gjatë në qytetin e Kuçovës, ku për 2 vite rresht, një 57-vjeçar ka abuzuar seksualisht me një 10-vjeçare.
Ditën e sotme gjykata vendosi masën e sigurisë “arrest me burg” për 57-vjeçarin, pasi u vërtetua akuza për përdhunim.
Mirëpo edhe mamaja e të miturs së dhunuar ka shokuar opinionin dhe mediat duke dhënë disa dëshmi dhe rëfime tronditëse.
Në një intervistë në një emision televiziv, mamaja e të miturës ka treguar se vajza kishte dhimbje dhe nuk ulej dot. Pasi e ëma e ka dërguar në spital, 10- vjeçarja i ka treguar çdo gjë mamasë së saj. Më pas ato e denoncuan në polici 57-vjeçarin.
Dëshmia:
“E godiste vajzën brenda shtëpisë. Unë isha në punë, ndërsa bashkëshorti im nuk jetonte aty. Ai gjente momentin kur vajza ishte vetëm në shtëpi. Unë e kuptova kur e çova vajzën në spital, pasi kishte dhimbje, nuk ulej dot. Më tregoi vajza se unë nuk e dija fare. Ma shpjegoi vajza, më tha që nuk duroi dot më. Që 7 vjeç e gjysmë e ka abuzuar.
Fillimisht e ka gënjyer vajzën, pastaj e ka kërcënuar. I ka bërë presion vajzës, që “po iu tregove prindërve, do iu nxjerr përjashta, ose do iu vras”. Kur erdha nga puna, pashë vajzën duke qarë, dhe e pyeta, ajo më tregoi. Jo vetëm e ka abuzuar seksualisht, por edhe e ka dhunuar vajzën. Ai nuk kishte as grua, as fëmijë, ishte i vetmuar prej vitesh”, u shpreh e ëma e 10-vjeçares.
Më pas ajo ka bërë një rrëfim tronditës, teksa ka thënë se 57-vjeçari kishte 10 vite që abuzonte edhe me të, pastaj ka përdhunuar edhe vajzën e vogël.
“Ka kërkuar dhe kërkon të abuzojë edhe me mua. Po, ka abuzuar edhe me mua. Ai më bënte presion me sëpatë, thikë, nuk e denoncoja dot. Ai më ka abuzuar me forcë, unë nuk kam dashur. Bashkëshorti rrinte te motra e tij, se kishte frikë mos e rrihte. Po bën 10 vite që ai abuzon me mua rregullisht. Denoncimin e bëra më shumë për vajzën, se është e vogël dhe nuk di.
Më dhemb shpirti për vajzën, ndaj shkova në polici. Unë shkova te shtëpia e tij me mirëbesim, nuk ma merrte mendja. Me mua ka abuzuar në çdo moment, ndërsa me vajzën abuzonte vetëm kur ishte i pirë. Ai na bënte presion dhe nuk kisha çfarë të bëja.
Po të merrja policinë, ai do na vriste, sepse e kishte armën në dorë. Abuzimin tim ja kam treguar vetëm burrit, sepse nëna më ka vdekur. Edhe burrit i bënte presion, e pranoi nga frika”, është shprehur e ëma e të miturës./Gazetareforma.com/
