I dënuar nga drejtësia Helene me burgim të përjetshëm për përdhunimin dhe vrasjen e studentes greke, Eleni Topaloudi, shqiptari Aleksandër Luca, duket se po e ‘paguan” shumë fish në burgun ku po kryen dënimin.
Nga sa bëjnë të ditur mediat, atë e kanë përdhunuar për herë të dytë në burg të dënuarit e tjerë. Mësohet se vetë Luca, ka shkuar në infermieri ku ka denoncuar aktin e rëndë.
“Më kanë përdhunuar të burgosurit e tjerë”,- mësohet të ketë thënë shqiptari. Pas analizave që atij i kanë bërë mjekët, është konfirmuar deklarata e 23-vjeçarit.
Eleni Topaloudi, u vra mbrëmjen e 28 nëntorit 2018 nga dy të rinj, 21-vjeçari grek Manolis Koukouras dhe 20-vjeçari shqiptar, Aleksandër Luca.
Trupi i saj u gjet i hedhur në shkëmbinj në det. Eleni, ishte e dashura e Aleksandër Lucës, por ky i fundit, sipas mediave greke, i kërkoi që të kryente marrëdhënie edhe me shokun e tij.
Kur hasën në rezistencën e studentes, miku i shqiptarit e qëlloi atë me shufër hekuri në kokë dhe më pas e hodhën atë në det. Nga goditjet, studentes greke i ishte këputur edhe veshi i majtë.
Policia greke, sqaroi se, sipas ekspertizës vajza kishte qenë e gjallë kur u hodh në det, por nuk mundi të notonte nga plagët e marra dhe u mbyt.
/GazetaReforma.com/
