Një vajzë 18-vjeçare u sulmua dy herë seksualisht brenda një pasdite në një apartament në periferi lindore të Romës. Fillimisht ka pësuar abuzim nga një 47-vjeçar, shqiptar, e më pas nga një 26-vjeçar i lindur në Rumani. Mediat italiane raportojnë se ato mundën të shpëtonin dhe të kërkonin ndihmë nga kalimtarët e më pas raportuan menjëherë në polici se ishin përdhunuar nga dy burra.
Ngjarja ka ndodhur në një apartament në lagjen Borghesiana, në lindje të Romës. Vajzat kishin mbërritur në kryeqytet për të vizituar një mikeshë një ditë para se të njihnin shqiptarin dhe të riun rumun. Ato dolën me djemtë me justifikimin për të pirë një pije së bashku dhe më pas u joshën prej tyre për tu ngjitur në banesën ku dhe u torturuan dhe u abuzuan më pas.
Policia arrestoi 26-vjeçarin rumun në shtëpinë ku ndodhi akti, ndërsa 47-vjeçari shqiptar kishte menduar të arratisej dhe u gjet pak më vonë në një stacion autobusësh në Casilino, gati për t’u larguar nga qyteti.
