Deklarata e një 34-vjeçareje shqiptare që jeton në Greqi ka bërë bujë më 11 maj, pasi ka akuzuar grekun Dimitris Aspiotis se e ka mbajtur të mbyllur për dy ditë në një kasolle dhe ka abuzuar seksualisht.
Ajo nuk ishte kthyer në shtëpi prej orësh dhe bashkëshorti i saj u drejtua në Polici, ku tregoi se një ditë më parë, të dy kishin takuar rastësisht në rrugë Dimitris Aspiotis.
Dimitri Aspioti është 47-vjeçari grek i njohur ndryshe si “Dragoi i Kavos”.
Ai u arrestua nga policia pasi u rrëzua në një greminë prej 200 metrash lartësi.
Dimitri Aspioti ndiqej nga polica, pasi akuzohet si një përdhunues serial që ka abuzuar me shumë femra të huaja.
Një nga viktimat e tij seksuale ishte edhe një 32-vjeçare shqiptare.
Gruaja shqiptare deklaroi se ai e kishte marrë zvarrë në një pyll dhe më pas e kishte përdhunuar.
47-vjeçari u dënua në vitin 2012 me 52 vjet heqje lirie për përdhunimin e gjashtë të rejave britanike në vitin 2010, por më pas u lirua në 2019.
Policia greke organizoi operacionin për kapjen e tij, por gjatë tentativave për shpëtim, ai ra nga një lartësi prej 200 metrash, ku për rrjedhojë u plagos rëndë në bel dhe në ijë.
Sot, Dimitris Aspiotis, një pacient i shtruar në spital në Spitalin e Përgjithshëm të Korfuzit, nuk pranon të operohet nga mjekët, duke thënë se ai preferon më mirë të vdesë.
Mjekët janë duke ngritur duart pas këtij zhvillimi, pasi nuk mund ta detyrojnë atë t’i nënshtrohet një operacioni.
Nëse 47-vjeçari nuk operohet ai nuk do të mund të ecë përsëri.
