Një ngjarje e rëndë shokoi opinioni publik pak ditë më parë, ku u mësua se 5 persona kishin abuzuar seksualisht me një 15-vjeçare në Mirditë. Duket se kjo ngjarje po merr përmasa edhe më të rënda, pasi ditën e sotme xhaxhai i vajzës thotë se vajza dyshohet se është përdhunuar nga 8 persona. Në një dëshmi për emisionin “Me zemër të hapur”, ai ka thënë se ka dyshime se rrethi i personave që kanë abuzuar të ketë qenë edhe më i madh.
Ai i ka bërë thirrje shtetit që të zbardhi deri në fund ngjarjen dhe të çojë pas hekurave autorët, gjithashtu ai ka pasur edhe një thirrje për ambasadoren e SHBA-ve Yuri Kim.
“Ka edhe persona të tjerë të implikuar. Sot pasi pamë dhe një protestë madhështore, në përkrahje të kësaj minorene, në luftë kundër këtyre pedofilëve. Lista e pedofilëve është me e gjerë. Numri nga 5, në bazë të të dhënave, shkon në 8. Ato tabulatet që janë sekuestruara nga prokuroria, i kam thënë oficerit, që tabulatat nuk preken dhe se do t’i hapë prokurorja. Iu bëj thirrje prokurores që t’i shoh këto tabulate dhe njerëzit që janë futur në këtë grup, të merren të pandehur. I them shtetit; “shtetin tim e dua shumë, se i kemi falur 5 njerëzit. Se sot do ishin në varr. Unë i kërkoj në mënyrë të veçantë ambasadores Yuri Kim që të ndjekë me përparësi këtë gjë, dhe gjykatave.” u shpreh xhaxhai i vajzës .
