Italia është ekipi i dytë që është kualifikuar në fazën tjetër të EURO 2020, duke krijuar kështu çiftin e parëq të gjysmëfinaleve në përballje me Spanjën.
Azzurrët mposhtën Belgjikën në një lojë që dhuroi emocione, por djemtë e Mancinit nuk e vunë asnjëherë në diskutim fitoren.
Barella kaloi Italinë në avantazh që në minutën e 31-të të takimit, pasi një gol iu anulua Bonuçit për pozicion jashtë loje. Por italianët nuk u ndalën me kaq në ndeshjen që po luanin në shtëpi, në një Olimpico të zjartë edhe pse jo me kapacitet të plotë të tifozëve.
Lorenzo Insigne bëri atë që di të bëjë më mirë duke shënuar edhe golin e dytë. Belgjika nuk u dorëzua dhe arriti të fitonte një penallti në limitin e pjesës së parë, të cilën Romelu Lukaku nuk e gaboi duke e kthyer në gol dhe duke ngushtuar diferencën. Me thuajse 7 minuta shtesë pas kohës së rregullt, Italia ia doli të kualifikohej duke e konfirmuar veten edhe njëherë si nëj nga pretendente të turneut.
Në gjysmëfinale i pret Spanja, e cila fitoi vetëm me penallti ndaj Zvicrës më herët gjatë ditës së sotme. Koha e rregullt u mbyll vetëm në barazimin 1-1, gjë që nuk ndryshoi as në shtesë. Dy gjysmëfinalistet e tjera do të mësohen ditën e nesërme nga ndeshjet Angli-Ukrainë dhe Danimarkë-Çeki.
