Numri i rasteve me Covid-19 në Britaninë e Madhe ka regjistruar numrin më të ulët që prej datës 10 gusht. Sipas të dhënave të qeverisë në 24 orët e fundit janë regjistruar 26,476 raste të reja me koronavirus.
Shifra do të thotë që rastet e raportuara midis 24 gushtit dhe 30 gushtit u rritën me 1.8 përqind në krahasim me shtatë ditët e mëparshme.
Numrat e rasteve shpesh bien pas fundjavave dhe shifra e fundit mund të ndryshojë nga festa bankare e së hënës në pjesën më të madhe të Mbretërisë së Bashkuar.
48 persona të tjerë u raportuan se kishin vdekur brenda 28 ditëve nga një test pozitiv për COVID-19, më i ulëti që nga 23 gushti, duke e çuar rritjen shtatë ditore në 14.8 përqind.
Ndërkohë, procesi i vaksinimit vazhdon intensiv në Britani. Një total prej 48.025 milion njerëz kishin marrë dozën e parë të një vaksine kundër koronavirusit deri në fund të 29 gushtit dhe 42.719 milion njerëz kishin marrë një dozë të dytë, ekuivalente me pothuajse 79 përqind të njerëzve të moshës mbi 16 vjeç. Muajin e kaluar rastet me Covid në Britani pësuan një rritje të ndjeshme, një pjesë e madhe e tyre ishin me variantin Delta.
Ndërkohë OBSH ka paralajmëruar se numri i rasteve në Europë është rritur ndjeshëm dhe pritet të vazhdojë me të njëjtat tendenca deri në dhejtor.
