Një ngjarje e rëndë ka ndodhur ditën e sotme në kryqëzimin e Via Raffaello dhe Via Bramante në Valverde di Cesenatico.
Një 19-vjeçar shqiptar u godit nga një furgon dhe si pasojë ka humbur jetën. I riu shqiptar ishte duke hipur në motorin e tij, me të cilin do të shkonte në punë ashtu si çdo ditë.
Viktima jetonte në Via Leon Battista Alberti, disa metra larg vendit të aksidentit. Në mediat italiane shkruhet se shqiptari për dy ditë kishte ditëlindjen dhe so të festonte 20 vjetorin.
Policia është shprehur se furgoni ishte në drejtim të kundërt me motorin. Nga përplasja e fortë, trupi i 19-vjeçarit “fluturoi” disa metra larg vendngjarjes, ku ka gjetur edhe vdekjen e menjëhershme.
Shoferi i furgonit iu nënshtrua testeve të alkoolit, por rezlutoi se nuk kishte konsumuar alkool. Emri i 19-vjeçarit të pajetë ende nuk është bërë me dije.
