Ministri i Jashtëm i Moskës, ka paralajmëruar rritjen e një rreziku ose konflikti bërthamor nëse vendet e NATO-s përshihen në luftën me Ukrainën.
Vendet e NATO-s, shpjegoi ai, janë të përfshira drejtpërdrejt në konflikt nga ana e Kievit.
“Kjo sjellje është e papërgjegjshme. Linja rrit ndjeshëm kërcënimin e një konfrontimi të drejtpërdrejtë ushtarak midis fuqive bërthamore”, shtoi ai.
Ndërkohë, lufta në Ukrainë është futur në ditën e 455-të dhe Vladimir Putin ka deklaruar se “paqëndrueshmëria globale po rritet” dhe, sipas tij, faji i “krizës së energjisë dhe ushqimit” nuk është i Moskës, por i “Shteteve të Bashkuara dhe vendeve të tjera perëndimore”.
Lideri rus shtoi po ashtu se Rusia po kalon kohë të vështira, por këto kohë të vështira, sipas tij, do ta çojnë në një konsolidim të fortë.
Përfaqësuesi i Lartë i Bashkimit Evropian, Josep Borrell tha të martën se trajnimi i pilotëve ukrainas me avionë luftarakë F-16 ka filluar në disa vende evropiane.
Ai konfirmoi para takimit të ministrave evropianë të mbrojtjes se është i lumtur që “më në fund ka filluar trajnimi i pilotëve ukrainas për avionët luftarakë amerikanë F-16.
“Gjithmonë është e njëjta gjë, diskutojmë, në fillim të gjithë hezitojnë dhe në fund, ashtu si me tanket Leopard, edhe me avionët F-16, vjen vendimi për ta dhënë këtë mbështetje ushtarake, sepse është absolutisht e nevojshme që Ukraina të vazhdojë të mbrohet”, tha zoti Borell.
