Presidenti i SHBA-ve Joe Biden mbajti një takim jashtëzakonisht të gjatë me Papa Françeskun në Vatikan të premten, ndërsa një debat u ndez në shtëpi rreth mbështetjes së presidentit katolik për të drejtat e abortit.
Vatikani tha se takimi privat zgjati një orë e 15 minuta dhe më pas u shpenzuan rreth 15 minuta të tjera për fotografimin dhe shkëmbimin e dhuratave në prani të anëtarëve të tjerë të delegacionit, si gruaja e Biden, Jill.
Takimi me ish-presidentin Donald Trump në vitin 2017 ka zgjatur rreth 30 minuta dhe një me Barak Obamën në vitin 2014 ka zgjatur rreth 50 minuta.
Një deklaratë e Shtëpisë së Bardhë nuk i referohej çështjes së abortit.
Aty thuhej se Biden e falënderoi Papën për “mbrojtjen e tij për të varfërit e botës dhe ata që vuajnë nga uria, konflikti dhe persekutimi”. Biden vlerësoi gjithashtu “udhëheqjen e Papës në luftimin e krizës klimatike, si dhe avokimin e tij për të siguruar që pandemia të përfundojë për të gjithë përmes ndarjes së vaksinave dhe një rimëkëmbje të barabartë ekonomike globale”.
Vatikani duhej të publikonte deklaratën e vet më vonë.
Autokolona e presidentit iu afrua më parë Vatikanit nën masa të rrepta sigurie, të cilat u bënë edhe më intensive për shkak se kryeqyteti italian po përgatitet njëkohësisht të presë samitin e G20 të liderëve botërorë këtë fundjavë.
Trump ngre debat në Uashington: “Ky është futboll, jo soccer, NFL duhet të gjejë një emër tjetër”
Presidenti amerikan Donald Trump deklaroi se termi futboll i takon sportit më të popullarizuar globalisht, të cilin amerikanët vazhdojnë ta...
