Sokol Mjacaj është një emër i njohur për drejtësinë shqiptare por edhe për mediat. Ai ka qenë i burgosur që në vitin 2015, pas vrasjes makabër që ka bërë, për të cilën u dënua me burgim të përjetshëm. Në korrik të atij viti, Mjacaj ka vrarë dy turistë çekë, në zonën e Dukagjinit, në Shkodër, pasi donte t’iu grabiste makinën.
Mirëpo, ai sot ka bërë një tjetër vepër penale. Burime bëjnë me dije se Sokol Mjacaj ka qëlluar drejt dy shtetasve, Ilir Xhakja dhe Arben Lleshi, dhe po të njëjtat burime tregojnë se ky i fundit është në gjendje të rëndë.
Ngjarja ka ndodhur pak minuta më parë brenda burgut të Peqinit, nga ku Mjacaj do të zhvendosej regjimin e ’41 Bis’. Mbetet e paqartë sesi ka arritur të sigurojë armën e zjarrit. Mediat raportojnë se brenda burgut të Peqinit ka një kryengritje të të dënuarve.
