Eksperti i pensioneve, Ramadan Kondi,foli në emisionin “Koha për t’u zgjuar”, mbi sfidat ekonomike me të cilat përballen pensionistët.
Ai theksoi se pensioni mesatar në vend është më i ulët se minimumi jetik i përllogaritur, duke e bërë të vështirë mbijetesën e të moshuarve.
Sipas Kondit, një faktor tjetër që ka ndikuar negativisht në gjendjen financiare të pensionistëve është zhvlerësimi i euros. Për shkak të kësaj, remitancat e dërguara nga fëmijët e tyre që jetojnë jashtë nuk kanë më të njëjtën fuqi blerëse si më parë.
“Pensioni mesatar është nën minimumin jetik, është 19 mijë lekë. Duhet të pranojmë një fakt të rëndë, që mirëqenia materiale tek pensionistët ka ardhur duke rënë, jo duke u rritur. Ljo është lehtësisht e kuptueshme nga qytetarët, që çmimet janë 2 herë më të larta se 10 vitet më parë, ndërsa pensionet nuk janë 2 herë më shumë se 10 vite më parë.
Ndikim në mirëqenie kanë edhe remitancat. Euroja është zhvlerësuar mbi 30 përqind dhe reminitancat nga fëmijët nuk kanë më të njëjtën vlerë.
Kemi sot mbi 1 milion të qytetarëve në nivel varfërie, nën minimum jetik”, tha ai.
