Ministri i Mbrojtjes, Niko Peleshi, ka zhvilluar një komunikim në lidhje me situatën e zjarreve në vend. Situata së fundmi në lidhje me zjarret, ka qenë shqetësuese dhe ministri i mbrojtjes ka reaguar.
Nga baza e Pashalimanit, Niko Peleshi u shpreh shërbimet zjarrfikëse, si dhe Forcat e Armatosura (FA), janë në terren për të bërë të mundur neutralizimin e flakëve.
Gjithashtu, Pelshi theksoi se aktualisht Karaburuni është e vetmja vatër aktive serioze, duke shtuar se flakët kërcënuan bazën e Pashalimatit.
“Forcat tona të Armatosura janë në të gjithë territorin. Kushtet atmosferike janë të paparishkueshme. Së pari dua të solidarizohem me vendet tona fqinje, Turqinë dhe Greqinë, pasi në ndryshim nga ne atje ka pasur edhe dëme në njerëz.
Ne e konsiderojmë të realizuar me sukses sepse nuk kemi pasur humbje jete apo banesa të rrezikuara”, tha fillimisht Peleshi.
Më pas, ministri i Mbrojtjes shtoi: “Natyrisht pushteti vendor së bashku me vullnetarë kanë dhënë kontributin e tyre. Në orët e para të mëngjesit është fikur edhe zjarri në Mamurras.
Tani e vetmja vatër serioze ka mbetur Karaburuni. Deri tani kemi shmangur prekjen e Parkut të Llogarasë”, tha mes të tjerash Peleshi.
Temperaturat e larta dhe mos pastrimi i mbeturinave në zonat pyjore, kanë shkaktuar zjarret masive.
