Ministri i Mbrojtjes, Niko Peleshi ka mbërritur në fshatin “Asim Zeneli” i cili u përfshi nga flakët dhe për pasoj humbi jetën një persona, ndërsa bashkëshortja e tij ndodhet në spital.
Peleshi u shpreh se situata është shumë e vështirë dhe se vatrat e zjarrit janë të lokalizuara në vende të ndryshme. Ministri i Mbrojtjes u ka bërë thirrje të gjithë banorëve të fshatrave Krine, Asim Zeneli dhe Arshi Lengo të mos bëjnë rezistencë dhe të bashkëpunojnë me policinë për t’u evakuuar sa më shpejtë pasi situata në këto zona është kritike.
“Është një situatë shumë e vështirë me vatra zjarri të lokalizuara në vende të ndryshme. Kemi një humbje jete. Pra me pak fjalë duhet evakuim në fshatrat Krine, Asim Zenel dhe Arshi Lengo. Policia është në krye të punës. Ju bëj thirrje banorëve të mos rezistojnë dhe të largohen nga fshatrat”- u shpreh Peleshi.
Ndër të tjera ai tha se të gjitha forcat ajrore dhe njerëzore janë në gatishmëri dhe po punojnë për të vënë nën kontroll flakët, zjarrfikëse do të përqëndrohen në fshatrat e Gjirokastërës pasi zjarri në Llogara është vënë nën kontroll.
“Ne do të bëjme çdo gjë edhe me forcat ajrore pasi zjarret në Llogara janë vënë nën kontroll. Do të përqëndrojmë të gjitha forcat njerëzore, ajrore për të bërë më të mirë”- tha ministri.
