Ngacmimi ndaj të miturave kanë qenë kryefjala e këtij viti dhe mesa duket nuk do të mbyllet me kaq. Familja e një 13-vjeçareje ka bërë një denoncime për ngacmim seksual që prej një muaji nga një 53-vjeçar, por historia nuk mbaron me kaq.
Pak pas denoncimit babai i vajzës është dhunuar në mënyrë brutale në Komisariatin e Divjakës. Rasti është bërë publik në emisionin “Stop” dhe qyteti prej nga vjen historia është Divjaka dhe një banor i lagjes e ngacmonte të miturën kur dilte jashtë shkollës që ajo ndiqte në “Çermë Sektor”.
“Më tregonte 1000 lekëshin dhe më thoshte hajde këtu të ikim. Më bënte veprime me gjuhë që të shkoja me të. Prej një muaji më ngacmonte përditë”, ka thënë 13 vjeçarja për “STOP”.
Familja nuk ishte në dijeni të asgjëje, por pasi vajza nuk dëshironte të shkonte në shkollë, prindërit insistuan dhe vajza iu tregoi të vërtetën. Menjëherë familja bën denoncimin në polici dhe kjo e fundit arreston dhe liron brenda ditës 53-vjeçarin, ndërsa të atin e vajzës e dhunuan brenda Komisariatit të Divjakës.
Ka qenë vet shefi i Krimeve të Divajkës që ka ushtruar dhunë ndaj tij, ndërsa kur e panë se nuk ishte në gjendje të mirë dhe s’mund të përballonte më tepër, efektivët e kanë shoqëruar për në spital, ku edhe ka marrë mjekim.
