PD ka dorëzuar një kallëzim të dytë penal ndaj Erion Veliajt.
Ditët e fundit, Veliaj është shprehur se ka dokumente se kryedemokrati Basha, ka marrë dhuratë një mmakinë nga kompania që do kryente punimet në Unazën e Re.
Veliaj është paditur në cilësinë e drejtuesit të fushatës elektorale të PS, dhe kallëzohet për shpihje, për herë të dytë brenda pak ditësh.
Veliaj ka thënë se “disponon prova që Lulzim Basha mori një makinë 130 mijë euro nga një prej kontraktorëve për të lënë protestën tek Astiri”.
“Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozitë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS”- thuhet në padinë e ngritur për shpifje ndaj Erion Veliajt.
/GazetaReforma.com/
