Zëdhënësja e fushatës së Partisë Demokratike, Floriana Garo tha se me qeverisjen e kryeministrit të vendit Edi Rama, Shqipëria ka mbetur në vend numëro. Në deklaratën nga selia blu Garo ju ka bërë thirrje grave dhe vajzave që të bëjnë ndryshimin më 25 prill, duke u shprehur se Partia Demokratike do të ndryshojë cilësinë e jetesës, edukimit dhe të ardhmen e të rinjve. Gjithashtu Garo ka renditur disa nga nevojat bazë për të arritur një mirëqenie të mirë dhe sipas saj këto do ti realizojë Partia Demokratike, pasi të vijë në pushtet.
Deklarata e plotë e Floriana Garos:
Gra dhe vajza shqiptare:
Shqiperia ka ngecur 8 vite ne vend-numero me qeverisjen e Rames. Ai na ka dhene cdo arsye per te ndryshuar, per tu perpjekur ne cdo menyre, per te ri-sjelle shpresen ne Shqiperi.
Cfare duam ne te ndryshojme?
-Duam qe familjet tona te kene te garantuar minimumin e nevojshem per te jetuar me dinjitet.
-Duam qe ne te perfitojme ne vendin tone nje edukim cilesor dhe nje profesion te cilin mund ta praktikojme.
-Duam qe nje prind qe punon fort, te jete ne gjendje te fitoje mjaftueshem per te mbuluar shpenzimet e femijeve.
-Duam qe femijet tane ta shohin te ardhmen e tyre ne Shqiperi.
-Duam qe djemte dhe vellezerit tane qe kane emigruar ta shohin mundesine e kthimit ne atdhe per te ndertuar nje jete prane familjes.
-Duam qe qeveria te kujdeset per te gjithe, e jo vetem per disa prane saj.
-Duam qe Shqiperia ti perkase te gjithe shqiptareve.
Rama nuk ka bere mjaftueshem per keto 8 vite qe ka qene ne fuqi, port e pakten na ka dhene mjaftueshem arsye per te deshiruar ndryshimin.
Me 25 Prill ne do te votojme Partine Demokratike dhe Aleancen per Ndryshim, do te votojme nr 9 – per te risjelle shpresen.
Shqiperia fiton!
