Partia Demokratike i është përgjigjur kryeministrit Edi Rama me anë të zëdhënëses së fushatës Floriana Garo nga selia blu. Në një deklaratë për mediat, Garo ka thënnë se Rama nuk mund të sjellë ndryshimin dhe se ka bllokuar Shqipërinë për 8 vite me radhë. Garo ka thënë se pagat duhet të jenë më të larta dhe Shqipëria duhet te jetë më e mirë në mënyrë që të rinjtë të mos largohen. Rama është problem i Shqipërisë ka thënë ajo dhe po nuk u largua ai nuk do të ketë asnjë ndryshim.
DEKLARATË E PARTISË DEMOKRATIKE, ZËDHËNËSJA E FUSHATËS, FLORIANA GARO
Rama që ka dështuar dhe e ka bllokuar Shqipёrinё për 8 vite me rradhё nuk mund të sjellë ndryshimin që vendi ynë ka aq shumё nevojё. Ndryshimi që na duhet është një qeveri që kujdeset për ju.
Paga juaj duhet të jetë më e lartë. Shteti duhet t’ju japë më shumë punë. Ju meritoni të merrni shërbime më të mira shëndetësore dhe arsim më të mirë për fëmijët tuaj. Qeveria duhet të sigurojë që Shqiperia tё jetё më e mirë në mënyrë që fëmijët tuaj të mos largohen nё vende tё tjera
Për të qenë të suksesshëm duhet të largojmё Ramën sepse Rama e ka bllokuar vendin tonё për 8 vjet. Nuk ka rëndësi se kush është në listën e Ramës dhe kush është pas tij. Ajo që ka rëndësi është që Rama është problemi i Shqipërisë dhe po nuk u larguar ai – nuk do të ketë asnjë ndryshim.
Ne shohim entuziazëm të qytetarëve në çdo vend që shkojmë. Qytetarët e Shqipërisë duan ndryshim. Qytetarët e Shqipërisë duan një qeveri të re që të kujdeset për ta. Ata janë lodhur nga premtimet boshe të Ramës, se ai nuk punon dhe nuk do të mbajë asnjë premtim! Jemi lodhur nga Rama, është koha për një ndryshim!
