Deputeti i Partisë Demokratike, Agron Gjekmarkaj, ka folur në lidhje me vendimin e kreut të PD, Lulzim Basha, për të lënë jashtë grupit parlamentar ish-kryeministrin Sali Berisha. Në një intervistë për emisionin “Kjo javë” në News 24, Gjekmarkaj tha se Basha kishte dy rrugë, që ishin dorëheqja ose vendimi që mori. Ai shtoi se PD ishte në diktatdhe rrezikonte të shpapallej një organizatë e padëshiruar me dorëheqjen e Bashës. Gjekmarkaj u shpreh se në rast të kundërt, PD do të hynte në krizë dhe përplasje me SHBA-të.
“Basha kishte dy rrugë: ose të merrte këtë vendim ose të jepte dorëheqjen. PD ishte në diktat. Nëse dorëhiqej Basha vinte një tjetër duke u rrezikuar qe PD të shpallej një organizatë e padëshiruar. Është e pamundur të vish në pushtet me përplasje me Amerikën. Ishte një rrugë pa shteg, e vetmja. PD do të hynte në një krizë dhe përplasje me SHBA-të që e rritën presionin ndaj PD-së. Ata lanë një ultimatum në zyrën e liderit demokrat. Ishte gabim, por ishte gabimi i duhur. Nuk mendoj që e ka bërë për interesa personale pasi vetë ai e mbështeti në 2-13-ën, në 2017-ën dhe 2021-shin. Është një vendim që e ka marrë një vend i huaj. Mua më dhemb si vendim”, tha Gjekmarkaj..
