Mesfushori i Manchester United Paul Pogba do të jetë jashtë fushe për “disa javë” pas një dëmtimi të muskulit të kofshës, ka konfirmuar menaxheri Ole Gunnar Solskjaer.
Pogba, ylli ndërkombëtar i Francës u zëvendësua pas 39 minutash gjatë barazimit të së Shtunës 3-3 me Everton në Old Trafford.
“Është një dëmtim që do të duhen disa javë për t’u shëruar,” tha Solskjaer të hënën në faqen e internetit të klubit.
“Paul ka qenë shumë i rëndësishëm për ne dhe ne nuk do të ndërmarrim ndonjë rrezik. Kështu që do të mungojë për disa javë patjetër”.
27-vjeçari u emërua lojtari i muajit janar i klubit. Pogba do të mungojë të martën në takimin e raundit të pestë të FA Cup me West Ham të martën dhe ka të ngjarë të humbasë të dyja ndeshjet e ekipit të tij të Europa League 32-të e fundit ndaj Real Sociedad më 18 dhe 25 Shkurt.
Pogba është vendosur si një lojtar kryesor për United që kur u kthye nga një dëmtim i mëparshëm në Dhjetor, pavarësisht se agjenti i tij Mino Raiola tha në të njëjtin muaj se klienti i tij kishte nevojë të “ndryshonte skuadra”.
27-vjeçari – kontrata e të cilit skadon në fund të sezonit të ardhshëm – ka filluar 11 nga 14 ndeshjet e fundit të United në Premier League dhe ka shënuar gola vendimtar në fitoret ndaj Burnley dhe Fulham.
