Përgjatë seancës së sotme plenare ish-kryeministri Sali Berisha dhe Enkeled Alibeaj kanë pasur një moment tensioni.
Berisha nga “nxitimi” për të replikuar kryeministri Rama, ka shtyrë me dorë Alibeajn nga foltorja duke I zënë vendin. Pas këtij inicdenti, është ndërprerë seanca plenare për 5 minuta.
Berisha ka sqaruar për mediat situatën që pati me Enkeled Aliebeajn në foltoren e Kuvendit..
Ai tha se nuk kishte ndërmend të bënte debat me Alibeajn, por dëshironte të fliste për çështje madhore dhe se kishte dëgjuar që emri i tij ishte lakuar disa herë.
“Ishte një keqkuptim. Alibeaj do i kthente përgjigje sepse i ka përmendur emrin. Unë dëgjova që emri im ishte lakuar disa herë. Unë do të merresha me çështje madhore. Që një kryeministër të nxirret nga avioni me forcë s’ka skandal më të madh”, tha Berisha.
Kujtojmë që inicidenti i ndodhur midis Berishës dhe Alibeaj u komentua edhe nga kreu i grupit parlamentar të Partisë Socialiste që u shpreh se e ajo që ndodhi sot në Kuvend është një turp i madh duke kërkuar 5 minuta pushim deri në sqarimin e situatës.
“Ajo që ndodhi këtu në sytë e publikut është një turp i madh.
Më fal kjo ka ndodhur dikur kur ky zotëri ishte kryeministër dhe një përfaqësues i PS po filste dhe me harbutërinë që kishte bëri atë gjest, por zonja kryetare kur në këtë sallë një deputeti i jepet fjala, ta marrë.
Kërkoj 5 minuta pushim sepse në emër të rregullores. U tërhoq vetë ai për ti dhënë fjalën Mediut”, tha Balla pas ndodhjes së situatës në Foltoren e Kuvendit.
