Jonida Shehu ka folur sot për konkurrencën me koleget e televizioneve të tjera, veçanërisht për prezantueset e emisioneve të pasdites.
Ajo drejton sot emisionin “Soiree” që transmetohet në një orar më të vonë, por dy vite më parë ka drejtuar emisionin e pasdites në “Top Channel” për të cilin thotë se ka qenë nën presionin e audiencës.
Duke folur në emisionin “Trokit” për konkurrencën, Jonida u shpreh se secila bën punën e vet dhe nuk ka punuar asnjëherë duke pasur parasysh Rudinën, Bietën apo Jonidën.
“Programet e pasdites janë një format më i vështirë sepse e para është i përditshëm, e dyta e ke më të gjerë audiencën sepse programet me tematika të dedikuara, duhet të flasësh për histori personazhesh, për ngjarje që ja vlen të diskutohen, për kuriozitet, gjëra të reja, kjo e bën pak më të vështirë.
Por unë kur kam bërë pasditen nuk kam menduar që po bëj një emision për gra. Secila bën punën e vetë, secila është nën presionin e raporteve të audiencës dhe atij filtrit profesional. Prandaj nuk besoj se ndonjëra nga prezantueset apo moderatoret apo autoret e pasdites ka për konkurrencë kolegen. Nuk punon duke pasur parasysh çdo ditë Anilën, Rudinën, Jonidën, Bietën”, u shpreh Jonida.
E pyetur se çfarë pyetje do t’i bënte Rudinës, Jonida u përgjigj se do t’i bënte një pyetje më personale si për shembull: “Si e ke gocën?”
Burimi: Iconstyle.al
