Sali Berisha ka thirrur këtë të mërkurë një mbledhje urgjente me drejtuesit politik të qarqeve të Partisë Demokratike, në vijim të zhvillimeve pas zgjedhjeve të 11 majit dhe në prag të protestës së paralajmëruar për të premten.
Ftesa është dërguar me një mesazh të qartë dhe urgjent, ku Berisha kërkon praninë e detyrueshme të të gjithë drejtuesve në orën 20:30, në selinë qendrore të PD-së.
Në fokus të takimit pritet të jenë analiza e rezultatit zgjedhor dhe koordinimi i veprimeve për protestën e 17 majit, që do të zhvillohet në Bulevardin “Zogu I”, në orën 17:00. Më shumë detaje priten pas përfundimit të mbledhjes.
