Ditën e sotme ish-kryeministri Sali Berisha në dalje të Kuvendit i është përgjigjur interesimit të gazetarëve ku ka folur për Lulzim Bashën dhe një hetimi të mundshëm nga SPAK-u për të cilin Rama në Kongresin e PS i bëri thirrje Drejtësisë që të reagojë pas shpalljes “Non Grata”.
Gazetarja : A keni frikë nga SPAK?
“Asgjë mbi tokë nuk i druhem unë, sepse kam kodin tim të pathyeshëm. Kjo është panciri i Sali Berishës”, tha fillimisht ish-kreu i demokratëve.
Gazetari: Keni thirrje për SPAK që ta hetojë Bashën?
Sali Berisha: “Po bën shaka? A nuk ia mbylli SPAK dosjet, ata mbyllin dosjet, unë të kërkoj që t’i hapin sërish, të lutem shumë. Ata vetë ia mbyllin, madje edhe Rama e ka thënë, SPAK është krijesa e Partisë Socialiste”
Gazetari – “Kur të dalë Basha para jush pyeteni pse u ktheve nga Roma në Tiranë e nuk shkuat dot në SHBA. E ka të hapur dosje e Nick Muzin në FBI, do përballej me ligjin. Kur t’ju dalë këtu përpara duhet ta pyesni, kryesisht kur jeni prova në dorë, e keni në të gjitha mediat, u nis me Gjekmarkajn në Romë dhe nuk kaloi dot. Nëse do të shkonte, do të mbetej atje. Nëse ka një njeri me dosje të hapura për drejtësinë ndërkombëtare, pas Ramës, është Basha.
Berisha- “Mund të them me përgjigjësi të plotë se ditën e enjte, pas emisionit “Opinion”, kur Edi Rama desh ia mbathi si i tromaksur kur i doli në led çështja e inceneratorëve, pas këto emisioni deklaroi se i ka mbyllur dosjen ruse. Ajo, që në atë kohë unë mohoja se ishte ruse, sipas Ramës e të gjithëve, është ruse. Është e verifikueshme, merrni pyesni, unë s’i kam dhënë para Nick Muzin. Tani që ka dhënë dorëheqjen, Basha është anëtar i grupit parlamentar, ia ka krijuar vetes. Ka procese me FBI-në, drejtësinë belge, në mos daltë ndonjë drejtësi tjetër pastaj”, tha Sali Berisha.
