Kryedemokrati Lulzim Basha ka dhënë një prononcim të shkurtër për mediat, pasi dëshmoi për më shumë se 1 orë në Prokurorinë e Tiranës në lidhje me kontratat e lobimit në SHBA.
Sipas Bashës Prokuroria po heton për deklarimet që PD ka bërë në formularët e vetëdeklarimit për shpenzimet në KQZ.
“Jemi thirrur si persona që kemi dijeni për ngjarjen. Dua të bëj të qartë se hetimi i hapur prej 1 viti e gjysmë bëhet sipas nenit 90 për çështjen e deklarimit të shpenzimeve në formularët e vetëdeklarimit në KQZ, nëse janë mbushur siç duhet apo jo.
Ky është hetimi, jo gënjeshtrat dhe shpifjet për të cilat qeveria i aktivizon sa herë i duhet. Ka më shumë se 6 muaj që kanë ardhur përgjigjet nga SHBA dhe Britania që vërtetojnë se asnjë demokrat nuk ka shkelur asnjë ligj, i kemi kërkuar prokurorsë t’i bëjë publike përgjigjet e ardhura që vërtetojnë se PD dhe drejtuesit e saj nuk kanë shkelur asnjë ligj”– tha ai.
