Ditën e sotme do të mblidhet Komisioni i Posaçëm i Reformës Zgjedhore, mësohet se mbledhja do të nisë në orën 11:00, brenda ambienteve të Kuvendit.
Ashtu siç edhe dihet, Komision do të drejtohet nga dy bashkëkryetarët, Damian Gjiknuri, mpjesë e grupit të PS-së dhe Enkelejd Alibeaj, pjesë e grupit të PD-së.
Mbledhja e këtij Komisioni vjen pas takimeve që u zhvilluan me përfaqësuesit e OSBE në vendin tonë, të cilët u shprehën se duhet të normalizohet procesi parlamentar dhe palët të arrijnë një koncencus mes njëra-tjetrës.
“Çmojmë partneritetin tonë me Kuvendin e Shqipërisë. U bëjmë thirrje të gjithë deputetëve të kontribuojnë për një proces parlamentar të qetë e funksional. Punimet e papenguara dhe dialogu konstruktiv në komisione janë thelbësore. Përkushtimi ynë për një reformë zgjedhore gjithëpërfshirëse dhe në kohë mbetet i fortë. Angazhimi pozitiv i të gjithëve është vendimtar për të pasur sukses!”, -thuhet në deklaratën e OSBE.
