Rusia ka nisur zyrtarisht luftën ndaj Ukrainës, mëngjesin e sotëm.
Ndërkohë që deri më tani raportohet për shtatë persona të vrarë dhe nëntë të plagosur, një pjesë dërrmuese e shtetasëve po përpiqen që të largohen nga Kievi për t’u shpëtuar sulmeve ruse.
Ndërkohë presidentja e Moldavisë Maya Sandu , bëri me dije se sot vendi i saj do të shpallte gjendjen e jashtëzakonshme dhe ishte gati të priste dhjetëra mijëra njerëz nga Ukraina fqinje.
“Komuniteti ndërkombëtar ka dënuar ashpër veprimet e Rusisë kundër Ukrainës , kështu që unë kërkova një takim të Këshillit të Sigurimit ku edhe u vendos se qeveria do t’i kërkonte parlamentit të shpallte një gjendje të jashtëzakonshme,” tha Santou.
Dhjetëra makina kanë krijuar radhë në kufirin midis Ukrainës dhe Moldavisë , bëjnë me dije mediat e huaja.
Ukraina ka shpallur gjendjen ushtarake. Ministri i Jashtëm Dmytro Kuleba ka kërkuar sanksione shkatërruese, duke përfshirë ndalimin e Rusisë nga sistemi ndërkombëtar i transfertave bankare Sëift.
Ka pasur një kor dënimi nga liderët botërorë: Presidenti i SHBA Joe Biden tha se lufta do të sillte “humbje katastrofike të jetës”;
– Kryeministri i Mbretërisë së Bashkuar Boris Johnson tha se ishte “i tmerruar” nga “sulmi i paprovokuar”.
Çmimet e naftës janë rritur në më shumë se 100 dollarë për fuçi për herë të parë në shtatë vjet. Monedha ruse, rubla, ka rënë në nivelin më të ulët historik kundrejt dollarit dhe euros; Tregjet në Mbretërinë e Bashkuar janë zhytur.
