Rebelët sirianë emërojnë kryeministrin e ri pas rrëzimit të regjimit të Bashar al-Assad.
Mohammad al-Bashir, i njohur për drejtimin e administratës në Idlib nën kontrollin e Hayat Tahrir al-Sham (HTS), ka marrë detyrën si kryeministër i qeverisë kalimtare.
Në një fjalim televiziv, Bashir njoftoi se kishte nisur bashkëpunimin me qeverinë kalimtare dhe anëtarët e regjimit të rrëzuar, duke theksuar synimin për të rikthyer stabilitetin dhe qetësinë në vend. Ai pritet të qëndrojë në këtë post deri më 1 mars.
Ndërkohë, Izraeli ka bërë të ditur synimin për të krijuar një “zonë mbrojtëse sterile” në kufirin jugor të Sirisë, pas një serie bombardimesh që kishin në shënjestër objektet ushtarake dhe të armëve kimike të lëna pas nga regjimi.
