Kryeministri grek Kyriakos Mitsotakis dhe qeveria e tij konservatore po përballen me një mocion mosbesimi në Parlament lidhur me katastrofën e Tempit, pas protesta masive që shpërthyen në Greqi.
Opozita, e bashkuar në një front, ka dorëzuar mocionin duke akuzuar qeverinë për keqpërdorim të situatës dhe për dhënien e ngadalshme të drejtësisë pas përplasjes hekurudhore në Tempi.
Mocioni, që do të dorëzohet këtë të mërkurë, pason një marrëveshje të nënshkruar mes PASOK, SYRIZA, Nea Aristera dhe Plefsi Eleftherias, që përshkruan përgjegjësitë dhe gabimet e qeverisë. Procedura e mocionit pritet të nisë me një debat në Parlament, duke pezulluar çdo votim tjetër për tri ditë.
Kreu i PASOK, Nikos Androulakis, tha se ky mocion është një kërkesë publike dhe shpreh mungesë besimi në qeveri.
Ky është i dyti në një vit, pas një tentative të ngjashme marsin e kaluar, e cila nuk u miratua për shkak të shumicës parlamentare të Demokracisë së Re.
Diskutimet mes PASOK-ut dhe SYRIZA-s përfshijnë disa çështje, duke përfshirë formulimin e mocionit dhe kohën e dorëzimit, ndërsa tensionet politike vazhdojnë të rriten.
