Efekteve të koronavirusit nuk mund t’i shpëtonte as sistemi i drejtësisë.
Që prej 10 marsit, gjykatat kanë mbyllur dyert, me vendim të Këshillit të lartë Gjyqësor.
Më 24 mars KLGJ vendosi të shtyjë sërish hapjen e gjykatave deri më 7 prill e më pas 22 prill, ndërsa nuk pati asnjë vendim për rifillimin e punës.
Shtyrja e gjyqeve rrezikoi një kaos të vërtetë në sistemin tonë të drejtësisë, ndërsa preku edhe avokatët.
Puna e tyre nuk është përfshirë në paketën e ndihmës ekonomike nga qeveria edhe pse aktiviteti në gjykata është pezulluar.
Burime për Gazetareforma.com zbuluan peticionin e avokatëve me 10 kërkesa, drejtuar Këshillit të Lartë Gjyqësor, kreyministrit Rama, presidentit Meta, ambasadores amerikane Yuri Kim dhe ministrave përgjegjës për situatën e epidemisë në vendin tonë, pas vendimit për mbylljen e gjykatave deri në fund të qershorit. Lexo këtu
Ndërkohë KLGJ ditën e sotme ka marrë vendimin për të rifilluar proceset gjyqësore që prej 27 prillit.
Gjyqet do të zhvillohen në bazë të protokollit të afishuar, pa publik, si dhe duhet të respektohet distanca.
“KLGJ vendos rifillimin e veprimtarisë dhe shërbimeve gjyqësore në të gjitha gjykatat e Republikës së Shqipërisë, më datë ë27.04.2020. Ngarkohen këshillat dhe kryetarët në detyrë të gjykatave për marrjen e masave për rifillimin e veprimtarisë dhe shërbimeve gjyqësore, në përputhje dhe respektim të masave për kufizimin e përhapjes së COVID-19”, thuhet në vendimin e KLGJ.
