Para pak orësh, në aksin Librazhd-Elbasan ka ndodhur një ngjarje e rëndë, pasi një makinë, në të cilën ndodheshin shumë njerëz ka dalë nga rruga dhe si pasojë ka rënë në lumin Shkumbin. Bëhet me dije se është shënuar një viktimë nga aksidenti.
Deri më tani janë nxjerrë nga mjeti 3 persona, 1 burrë, 1 grua dhe një fëmijë i moshës 9 vjeç. Vogëlushi ndodhet në gjendje të rënduar dhe është drejtuar për në Spitalin Nënë Tereza në kryeqytet, për t’iu nënshtruar një ndërhyrjeje. Sakaq, bëhet e ditur se ende ndodhen 2 persona të mbyllur brenda në makinë. Mjeti ndodhet 4 metra nën thellësinë e ujit dhe shanset që ato të dalin të gjallë janë të pakta, pasi nxjerrja e tyre në një kohë të shpejtë është tepër e vështirë.
Viktimat janë Elmi Keqa, 53 vjeç dhe bashkëshortja Elona Keqa, 35 vjeçe dhe shtetasi Elis Sulmataj 18 vjeç. Të plagosurit janë E. Keqa 10 vjeç dhe Ambra Halili rreth 20 vjeçe. Dy personat e shpëtuar janë dërguar drejt spitalit të Traumës në Tiranë, për të marrë ndihmë mjekësore. Operacioni i nxjerrjes së trupave ka qenë mjaft i vështirë, për shkak të terrenit mjaft të thyer, si dhe rrjedhës së lumit, e cila ka qenë e furishme për shkak të reshjeve të shiut që kanë rënë gjatë natës.
