Disa lëkundje tërmeti janë ndjerë në Tiranë rreth orës 13:28 të ditës së sotme. Sipas të dhënave të sizmiologjisë, tërmeti ka qenë relativisht i lehtë me magnitudë 3.2 ballë.
Tërmeti ka rënë në një thellësi prej 30 kilometra nën tokë. Epiqendra ka qenë 50 kilometra larg Tiranës. Nga lëkundjet sizmike nuk ka raportime për dëme materiale.
Kujtojmë këtu se mbrëmjen e djeshme, disa lëkundje tërmeti të forta u ndjenë në Korçë dhe rrethinat e saj, duke bërë që banorët të dilnin jashtë shtëpive nga frika e ndonjë lëkundjeje edhe më të madhë.
Kjo pasi në fillim të muajit qershor, shumë shtëpi u rrëzuan nga lëkundjet e forta e të vazhdueshme të tërmeteve.
