Xhisiela Maloku është rikthyer sërish në qendër të vëmendjes, pas paraqitjes së saj në ambientet e Prokurorisë së Posaçme për herë të dytë brenda një jave.
Emri i saj u bë i njohur në vitin 2018 për shkak të lidhjes me Rexhep Rrajën, djalin e ish-deputetit socialist Rrahman Rraja, si dhe akuzave që ngriti ndaj tij për dhunë, të cilat më vonë i tërhoqi.
Këtë herë, Maloku është parë të hyjë në SPAK e shoqëruar nga një tjetër vajzë, ndërsa ende nuk dihet nëse është thirrur si dëshmitare, person nën hetim apo në ndonjë cilësi tjetër.
Deri tani, SPAK nuk ka bërë asnjë njoftim zyrtar në lidhje me qëllimin e paraqitjes së saj.
