Ngjarja e rëndë që ndodhi pak më parë në plazhin e Rrushkullit, në Durrës thellohet edhe më tepër.
Rreth orës 18:00 babë e bijë ishin futur për t’u larë në det kur babai shtetasi me iniciale Dh.B 44-vjeç humbi jetën dhe e bija u dërgua për në spitalin e Durrësit. Policia njofton se e mitura 9-vjeçare me iniciale M.B ka ndërruar jetë në spitalin ku ishte nën kujdesin e mjekëve.
“Në lidhje me informacionin e më sipërm ku humbi jetën duke u larë në det shtetasi Dh.B.,44 vjeç, ju bëjmë me dije se ka ndërruar jetë në Spitalin Rajonal Durrës edhe shtetësja e mitur M.B., 9 vjeçe”, njoftoi policia.
Ndërkohë policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
