Zv. kryeministri i Shqipërisë, Erion Braçe, i ka bërë apel të rinjve mbi 18 vjeç që të vaksinohen sa më shumë, pasi sipas tij, pandemia ende nuk ka ikur. Braçe shprehet se dy dozat e plota të vaksinës, eliminojnë shtrimet në spital dhe humbjet e jetëve.
“Koronavirus nuk ka ikur, është përsëri mes nesh! Vaksinohuni! Nga sot, çdo djalë apo vajzë mbi 18 vjeç në Lushnje dhe Divjakë, mund të vaksinohen! Në Divjakë, te poliklinika për çdo njësi administrative Tërbuf, Grabian, Remas, Gradishtë. Çohu e shko bëj vaksinën!
Do doza të plota eliminojnë plotësisht forma të rënda të COVID, shtrimet në spital dhe humbjen e jetës! Nuk është pak, është shumë! Mos e harroni se si u përhap virusi e vrau Këmishtaj, Mertish, Mizë, Xeng, Divjakë, Cerma, Grabian!COVID nuk ka ikur! Pandemia nuk ka kaluar!
Por pandemia tani është vetëm tek ata që nuk janë vaksinuar! Shfrytëzoje rastin tani; Vaksinohuni me të dyja dozat dhe shpëton veten, familjen, komunitetin!”, shkruan Braçe.
Më herët ditën e sotme, edhe kryeministri i vendit, Edi Rama, u bëri apel qytetarëve që të vaksinohen sa më shumë. “Këto po ju flet një i vaksinuar, ja ku jam, s’kam asnjë problem. Kjo vlen për ata që vijojnë të jenë spektikë. Është me rëndësi që ne të bëjmë gjithçka që kemi në dorë. Vaksinohuni, vaksinohuni!”, u shpreh Rama.
