Shefi urgjencës kombëtare Skënder Brataj ishte i ftuar në ReportTv ku foli për shifrat e larta të infektimeve dhe masat e marra nga qeveria deri më tani.Bratja tha se respektimi i mbajtjes së maskës dhe ruajtja e distancës janë e vetmja armë që kemi të gjithë, ndërkohë që pas 3-4 javëve do të shënojmë ulje të kurbës të të infektuarve.
Brataj u pyet gjithashtu edhe nëse vendi ynë mund të përballojë një rritje tjetër të rasteve dhe tha se po pasi në të dy spitalet COVID ka ende shtretër, por që në rast rreziku është ngritur dhe spitali COVID 3 për skenarin më të keq.Gjithashtu Brataj tha se edhe spitalet rajonale janë në gatishmëri për të ndihmuar në rast se kemi rritje tjetêr pasi tashmë këto spitale janë të pajisura me kushtet dhe mjetet e duhura.
“Sot janë ato që e kemi thënë disa herë që lirimi i masave do rrite rastet dhe do të kishte më shumë vdekje. Jemi ende në ato efekte, tani do të kemi pasojat e korrikut të transportit, por të gjithë duhet të respektojmë rregullat. Këto të rinj do të sjellin prindërit dhe gjyshërit e tyre. do t’i lutesha këtyre moshave që të ruajnë distancën, të respektojmë rregullat. Nëse respektohen do të ulet në masë shpërndarja e virusit brenda dy javësh. Sistemi shëndetësor nuk është problem më gjendjen se kemi, pais kemi dhe Covid 2. Tani edhe spitalet rajonale janë të përgatitura për të ndihmuar. Me lirimin e masave pas 2-3 javësh, pati një ulje të vigjilencës nga të gjitha moshat dhe dihet që efekti do jepet dy javë më pas. Pas 3-4 javësh do të tregojë uljen të rasteve”, tha Brataj.
Për Bratajn hapja e pishinave nuk është shqetësuese pasi ato janë në numër të vogël dhe të kontrollueshme, dhe kanë ujë që dezinfektohet me klor që vret dhe virusin.
Ndërkohë që për mbylljen e clubeve Brataj tha se mund të kontrollohen dot rastet, pasi nuk ruhet distanca apo mbajtja e maskave. Dhe mbyllja e tyre ishte e detyrueshme, pasi rastet po rriten çdo ditë.
“Nuk më shqetëson shumë hapja e pishinës pasi aq janë në Shqipëri krahasuar me diskot që janë në çdo cep. Uji i pishinës është me klor dhe në këtë mënyrë e vret virusin. Edhe mbyllja e lokaleve të natës ka të bëjë në numrin e lartë të infektuarve, kur numrit do ulet sigurisht që dhe ato do hapen. Në lokal nate je shumë ngjitur dhe ti nuk mund të rrish dot me maskë aty”, tha Brataj.
