Familjarët e biznesmenit Remzi Hoxhës të zhdukur dhe vrarë para 25 vitesh kanë njoftuar ditën e sotme se të mërkurën më datë 21 tetor do të organizojnë një konferencë për shtyp për të njoftuar mbylljen e kërkimeve për eshtrat e trupit të tij.
Familja Hoxha po ashtu ka njoftuar se në vitin 2021 do të bëjnë varrin dhe memorialin e Remzi Hoxhës.
“Me rastin e 25-vjetorit të rrëmbimit dhe vrasjes së babait tonë Remzi Hoxha ju fton në konferencë për media të mërkurën më 21. 10. 2020 në orën 13:00. Pas 25 vite vuajtje, malltrerime dhe tortura psiqike e emocionale, familja jonë ka vendosur t’i japë fund kërkimit të pafund të eshtrave të tij dhe të mbyllim këtë kapitull të tmerrshëm të jetës sonë. Vinin që vjen më 21 Tetor 2021 do bëjmë varrin dhe memorialin e babanë tonë Remzi Hoxha me ç’rast ju njoftojmë edhe për detajet e tjera. Me respekt Ardian Hoxha”, thuhet në njoftim.
Lajmërim pic.twitter.com/uT2zNzvllO
— Ardian Hoxha (@ardianhoxha) October 19, 2020
Biznesmeni shqiptaro-maqedonas Remzi Hoxha u rrëmbye të vitit 1995 dhe që prej asaj date nuk dihet më asgjë për të. Sipas hetimeve ai u mor peng nga katër persona me një makinë të bardhë, bashkë me dy persona të tjerë. Në vitin 1997 ata rrëfyen se ata ishin rrëmbyer dhe torturuar ndërsa thanë se nuk dinin asgjë për fatin e Hoxhës. Ai la pas 5 fëmijë mes tyre, 3 djem dhe dy vajza.
