Presidenti rus Vladimir Putin ka mbërritur në kryeqytetin, Phenian, duke filluar zyrtarisht vizitën e tij të parë në Korenë e Veriut pas 24 vitesh. Siç raportohet delegacioni i Putinit përfshin Ministrin e Mbrojtjes Andrei Belousov, Ministrin e Jashtëm Sergei Lavrov dhe krerët e agjencisë ruse të hapësirës, nën masa të rrepta sigurie.
Ai e vizitoi qytetin për herë të fundit në korrik 2000 në fillimin e karrierës së tij presidenciale. Vendi më pas drejtohej nga Kim Jong Il, i cili vdiq në vitin 2011 dhe u pasua nga djali i tij, Kim Jong Un. Të dy liderët pritet të përdorin këtë udhëtim për të treguar lidhjet e forta midis Rusisë dhe Koresë së Veriut. Këshilltari politik i Putinit, Yuri Ushakov, ka sinjalizuar gjithashtu se të dy vendet mund të nënshkruajnë një partneritet sigurie.
Gjithashtu një avion luftarak shoqëroi avionin e Putinit kur ai fluturoi mbi Rusi për në qytetin lindor të Siberisë, Yakutsk. Ky është rasti i parë i raportuar i shoqëruar nga avionë ushtarakë brenda vendit. Avionët e Putinit më parë merrnin vetëm një shoqërim të armatosur gjatë vizitave të huaja.
