Parlamenti i Finlandës ka hedhur një hap të rëndësishëm drejt NATOS-s, pavarësisht kërcënimeve të Rusisë.
Është miratuar me shumicë dërrmuese një propozim për të aplikuar për anëtarësim në aleancën e NATO-s.
Vlen të theksojmë se propozimi u miratua me 188 vota pro dhe 8 kundër.
Finlanda tani pritet të nënshkruajë një aplikim zyrtar dhe ta dorëzojë atë në selinë e NATO-s në ditët në vijim, së bashku me Suedinë. Suedia nënshkroi sot dokumentin e aplikimit dhe paralajmëroi se dorëzimi do të bëhej brenda javës bashkë me Finlandën.
Kjo vjen pasi Shtëpia e Bardhë njoftoi se presidenti finlandez, Sauli Niinistö, dhe kryeministrja e Suedisë, Magdelena Andersson do të takohen me presidentin amerikan, Joe Biden, të enjten për të diskutuar aplikimet e tyre në NATO. Kujtojmë që presidenti dhe kryeministri i Finlandës njoftuan se shteti i tyre duhet të aplikojë menjëherë për anëtarësim në NATO, paktin e mbrojtjes ushtarake i themeluar pjesërisht për të kundërshtuar Bashkimin Sovjetik.
“Ju (Rusia) e shkaktuat këtë. Shikoni në pasqyrë”, tha këtë javë presidenti finlandez, Sauli Niinisto. Sekretari i Përgjithshëm i NATO-s, Jens Stoltenberg tha të enjten se Finlanda dhe Suedia do të përqafohen me krahë hapur nëse vendosin të bashkohen me organizatën ushtarake prej 30 vendesh, shkruante para një muaji REL.
