Eksperti i sëmundjeve infektive në SHBA, Anthony Fauci, ka deklaruar se vaksina kundër Covid-19 ka mundësi që të jetë gati në SHBA deri në fillim të muajit dhjetor.
Fauci u shpreh se vaksina do të provohet që do të japë rezultate dhe se do të ketë garanci. Pas saj ka deklaruar eksperti, atëherë do të fillojë edhe shpërndarja e saj.
Ai ka sqaruar për median prestigjioze angleze, BBC, se do të duhen disa muaj të tjerë para nisjes së vaksinimit në masë.
“Mendoj se do të mësojmë nëse një vaksinë është e sigurt dhe efikase në fund të nëntorit ose në fillim të dhjetorit. Pyetja është, pasi e kemi një ose më shumë vaksina të sigurta, si do t’i çojmë tek njerëzit që kanë nevojë së më shpejt të jetë e mundur?
Sasia e dozave që do të jenë të disponueshme në dhjetor nuk do të jetë e mjaftueshme. Do të kenë prioritet stafi mjekësor, apo ata që gjenden në kategorinë e personave më të rrezikuar. Të tjerë do të duhet të presin disa muaj të tjerë në 2021-shin”, tha eksperti infeksionist amerikan, Anthony Fauci./GazetaReforma.com/
