Ditët me shi i kanë lënë me sa duket vendin atyre me diell, ku këtë të shtunë parashikohet që dita të ketë më shumë diell.
Dita e shtunë parashikohet të ketë mot me alternime kthjellimesh dhe vranësira, bën të ditur Shërbimi Meteorologjik Ushtarak.
Moti i kthjellët sot do të karakterizohet në të gjithë Shqipërinë, ndërsa temperaturat do të luhaten nga vlera minimale e 0 gradë, deri në atë maksimale të 16 gradëve në mesditë.
Ndërkohë që e diela sjell të tjera ‘zhvillime’ në qiell, pasi dita do të mbizotërohet nga kthjellimet, por në mbasdite vranësirat do të shtohen.
Reshje shiu të izoluara do të ketë vetëm përgjatë vijës bregdetare.
Era nga kuadrati i Jugut do të fryjë me shpejtësi mesatare 1-8m/s, e cila hera-herës do të fitoj shpejtësi deri në 15m/s, kryesisht përgjatë vijës bregdetare dhe zonave luginore.
/GazetaReforma.com/
