Reshje në të gjithë territorin, kjo do të jetë panorama e përgjithshme e vendit tonë për ditën e sotme. Në zonat veriperëndimore reshjet do të jenë me një intensitet të lartë duke rrezikuar edhe përmbytje.
Sipas Meteoalb, sot temperaturat do të pësojnë një rritje të lehtë, ku do të variojnë: në zonat malore, nga -1°C në 02°C, në zonat e ulëta nga 03ºC në 10°C dhe në zonat bregdetare nga 07°C në 11°C. Era do të fryjë në drejtim jugor, ndërsa forca e valëzimit në det do të jetë 7 ballë.
Reshtjet e dendura të shiur vijojnë të sjellin probleme të shumta në vendin tonë. Shërbimi Meteorologjik Ushtarak bën me dije gjithashtu se reshjet e shiut do të jenë të pranishme që prej orëve të para të mëngjesit me intensitet të ulët e mesatar, kryesisht në perëndim e veriperëndim. Dita e sotme do të ketë vranësira mesatare dhe të dendura. Reshjet gjatë ditës lokalisht do të marrin impulse në kohë të shkurtër në formën e shtrëngatave me rrufe të izoluara me rrebeshe e breshër.
Nga ana tjetër, Kosova sot do të mbizotërohet nga alternime vranësirash dhe kthjellimesh, të cilat do të sjellin mot me reshje në të gjithë territorin. Temperaturat do të pësojnë një rritje të lehtë ku do të variojnë: në zonat malore nga -3°C në 02°C dhe në zonat e ulëta nga 00°C në 05°C.
