Edhe ditën e sotme, në Shqipëri dhe rajon, temperaturat do të jenë të larta. Ditët e fundit temperaturat kanë arritur deri ne 42 gradë.
Sipas MeteoAlb territori shqiptar në orët e para të ditës do të jetë në dominimin e kthjellimeve në pjesën më të madhe.
Por mesdita dhe pasditja sjellin vranësira të lehta pjesërisht në qendër dhe në zonat malore duke krijuar mundësi për ndonjë reshje të izoluar në skajin Verior.
Ndërsa mbrëmja rikthen kthjellimet në këto zona. Temperaturat e ajrit do të ulen në mëngjes dhe në mesditë duke luhatur vlerat ditore nga 17°C deri në 39°C.
Era do te fryjë e lehtë dhe mesatare me shpejtësi 40 km/h nga drejtimi Veriperëndimor duke krijuar në det dallgëzim 3 – 4 ballë.
Kosova
Republika e Kosovës do të jetë në mbizotërimin e motit të kthjellët në pjesën e parë të ditës. Por në pjesën e dytë të ditës parashikohet të ketë kalime të lehta vranësirash të cilat do të gjenerojnë reshje shiu të izoluara dhe të pakta në veri të Kosovës.
Maqedonia e Veriut
Paraditja në Maqedoninë e Veriut, paraqitet në mbizotërimin e motit të kthjellët. Por në një pjesë të mirë të vendit do të ketë kalime të pakta vranësirash në orët e pas mesditës.
