Vrasja e gjeneralit të forcave iraniane, Qasem Soleimani, ka acaruar tej mase marrëdhëniet mes Iranit dhe SHBA-ve.
Ambasadori i Iranit në OKB, ka kërcënuar me hakmarrje SHBA-të.
Ish- drejtori i përkohshëm dhe zv.drejtori i CIA-s, Michael Morell tha për “CBS” se sulmi ndaj Soleimanit do të prodhojë civilë amerikanë të vdekur.
Sipas tij, Soleimani kishte shumë gjak amerikan në duar, por vdekja e tij do të paguhet me një çmim të lartë.
“Soleimani ishte një gjeni i keq, që kishte shumë gják amerikan në duar. Bota është një vend më i mirë pa të, por problemi është se do të paguhet një çmim i rëndë. Së pari, do të ketë amerikanë të vdékur, civilë të vdékur amerikanë. Mund të ndodhë në ditët e ardhshme në vendet ku Irani ka ndihmës”, është shprehur ish-drejtori i CIA-s.
Një celulë e Soleimanit në Irak sulmoi ambasadën amerikane në Baghdad.
Tre ditë pas paralajmërimit të Trump, Soleimani u vra nga bombardimet e SHBA.
Qasem Soleimani ishte figura më e fuqishme në Iran, pas liderit Ayatollah Khameini.
Soleimani ishte koka e aktivitetit të regjimit iranian në Lindjen e Mesme.
Ai gjithashtu konsiderohet se arkitekti i ofensivës së regjimit të Bashar al-Assad ndaj rebelëve në Siri.
Njëkohësisht Soleimani kishte ngritur grupe paramilitare në Irak, për të luftuar ndaj ISIS.
Pas ofensivës së SHBA në Irak në vitin 2003, Soleimani filloi të ngrinte grupe ushtarake dhe është përgjegjës për një sërë sulmesh ndaj bazave amerikane, duke vrarë qindra ushtarë.
