Studiuesit kanë një lajm të keq lidhur me variantet e reja të coronavirus në vend. Mendohet se mutacioni i ardhur nga Britania e Madhe do të jetë dhe lloji dominues i virusit kudo në botë. Ky parashikim ka ardhur nga shefja e programit të mbikëqyrjes gjenetike në Angli.
Profesoresha Sharon Peacock i tha BBC se varianti i ri ka “përfshirë vendin” dhe “do të përfshijë botën, me shumë gjasë”. Varianti Kent i Covid është zbuluar tashmë në më shumë se 50 vende.
Peacock, e cila është dhe drejtore e konsorciumit Covid-19 Genomics në Mbretërinë e Bashkuar, tha: “Ajo që na ka prekur vërtet për momentin është transmetueshmëria”.
Ajo shtoi: “Do na duhen shumë vite që të përballemi me virusin”. Vaksinat aktuale u krijuan rreth versioneve të mëparshme të koronavirusit, por shkencëtarët besojnë se ato ende duhet të funksionojnë kundër atyre të reja, megjithëse ndoshta jo edhe aq mirë.
Ky variant i Covid u zbulua për herë të parë në shtator 2020 në Anglinë jug-lindore dhe përhapja e saj e shpejtë gjatë muajve në vijim u citua si arsye për futjen e rregullave të reja të bllokimit në të gjithë Mbretërinë e Bashkuar në janar.
Sëfundmi edhe në vendin tonë janë gjurmuar rastet e para, pas lajmërimit që shteti gjerman bëri për vajzën e re 22 vjeçare, e para shqiptare e infektuar me mutacionin britanik.
