Kardinali amerikan Robert Francis Prevost, i cili u zgjodh sot si Papa i ri me emrin Leoni XIV, ka qenë një kritik i hapur i politikave të emigracionit të administratës së Donald Trump.
Më pak se një muaj para zgjedhjes së tij, ai kishte shprehur publikisht shqetësimet e tij për trajtimin e emigrantëve në SHBA, duke përdorur mediat sociale për të ngritur zërin.
Në një postim të ripublikuar në platformën X, ai dënoi praktikat e ndarjes së fëmijëve nga prindërit në kufi dhe mbajtjen e tyre në qendra paraburgimi:
“Nuk ka asgjë të krishterë, amerikane apo morale në një politikë që ndan fëmijët nga familjet e tyre dhe i mban në kafaze. Kjo po bëhet në emrin tonë, dhe është turp për të gjithë ne.”
Prevost ka kritikuar gjithashtu disa figura të administratës Trump, përfshirë zëvendëspresidentin JD Vance, duke e kundërshtuar hapur një intervistë të tij mbi fenë në Fox News.
“JD Vance e ka gabim. Jezusi nuk na mat me mënyrën se si e vlerësojmë dashurinë për të tjerët,” shkroi ai në atë kohë.
