Gjendja e krijuar nga COVID-19 në Itali i ngjan tashmë një tragjedie, pasi 3,405 persona kanë humbur jetën dhe 41,035 persona janë infektuar, duke u renditur e para në rang botëror për numrin e viktimave.
Po ashtu, mes të prekurve janë edhe 2,629 mjekë dhe infermierë, ose 8.3 për qind e stafit total të personelit, teksa 13 prej tyre kanë ndërruar jetë.
Itali: Dyfishi i Kinës, shifra të frikshme të infektimit të mjekëve nga Coronavirusi
Së fundmi, raportohet se të paktën 18 priftërinj kanë ndërruar jetë si pasojë e Coronavirusit në Itali, që po përhapet edhe mes klerikëve pasi këta të fundit u ofrojnë mbështetje pacientëve të sëmurë.
Madje, Papa Francesku i ka inkurajuar që të kenë guxim dhe të dalin e të mbështesin njerëzit e sëmurë.
Gazeta Avenire, shkruan se të paktën 10 priftërinj kanë ndërruar jetë në Bergamo, afër Milanos, ndërsa pesë të tjerë kanë ndërruar jetë në qyetin e Parmas, ndërsa raste të tjera kanë ndodhur në vende të tjera.
Së fundmi, raportohet se krahas të vdekurve, spitaleve italiane u është shfaqur një tjetër problem i madh, pasi sasia ilaçeve që ndihmojnë në lehtësimin e pasojave të Coronavirusit ka rënë ndjeshëm.
Përveç numrit të lartë të viktimave, Italia po përballet me një problem madhor
Numri total i viktimave në rang botëror deri tani është 10, 852 persona dhe janë 258,857 të infektuar në 183 vende, teksa deri tani në vendin tonë kanë humbur jetën 2 persona dhe janë infektuar 70 të tjerë, teksa në Kosovë janë 22 persona të infektuar me COVID-19.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
