Kryepeshkopi Charles John Brown, ambasadori i ri papal në Filipine, u takua me Papa Françeskun 23 Tetorin e kaluar ndërsa përgatitej për misionin e tij të ri.
Teologu 61-vjeçar Amerikan u prit nga Papa gjatë një audience private në Vatikan javën e kaluar. Takimi u ndoq gjithashtu nga Kardinali Luis Antonio Tagle, prefekt i Kongregatës për Ungjillëzimin e Popujve.
Takimi u zhvillua disa ditë pasi i dërguari papnor përfundoi madatin e tij të detyrës në Shqipëri ku u caktua për tre vitet e fundit.
Brown u emërua nunc apostolik në Filipine nga Papa më 28 shtator.
Si i dërguar papnor, ai do të përfaqësojë shtetin e Vatikanit pranë autoriteteve qeveritare në Filipine, ndërsa luan gjithashtu një rol vendimtar në përfaqësimin e Atit të Shenjtë në Kishën Katolike në Filipine.
Në shumë vende katolike si Filipinet, nuncio është gjithashtu Dekani i Trupave Diplomatike.
Megjithëse Brown nuk është një diplomat karriere, ai u emërua nga Papa Benedict XVI nunci papnor në Irlandë në 2011 pas disa vitesh pune në Kongregacionin e Vatikanit për Doktrinën e Besimit.
Dërgimi i tij në Filipine është planifikuar që nga nëntori i vitit 2019, kur Papa transferoi Kryepeshkopin Italian Gabriele Caccia në Kombet e Bashkuara në Nju Jork, si kreu i misionit të Vëzhguesit të Përhershëm të Selisë së Shenjtë.
/GazetaReforma.com/
