Papa Francesku, gjatë kremtimit të sotëm dha mesazhe të forta për paqen në botë, ndërsa komentoi edhe sulmet e ndodhura në Sri Lanka nëpër kisha dhe hotele ku kanë mbetur rreth 156 viktima dhe rreth 500 të plagosur, sipas të dhënave të fundit.
Papa Francesku shprehu dhimbjen dhe trishtim për këto sulme të ndodhura në ditën e festës së Pashkëve.
“Mësova me trishtim dhe pikëllim lajmin e sulmeve serioze që në ditën e Pashkëve kanë sjellë zi dhe dhimbje në disa kisha dhe vende të tjera të takimit të Sri Lankës. Dëshiroj të shpreh dhimbjen për komunitetin e krishterë, të goditur kur ishin mbledhur në lutje, dhe të gjithë viktimave të dhunës së tillë të ashpër. Unë i besoj dhe i lutem Zotit për ata që kanë vdekur tragjikisht, për të plagosurit dhe të gjithë ata që vuajnë për shkak të kësaj ngjarjeje dramatike,” – tha Papa në kremtimin e sotëm në Sheshin e Shën Pjetrit.
Mesazhe të forta, për të mos u dorëzuar përpara mosbesimit dhe frikës, para zymtësisë që varros çdo ëndërr, përcolli Papa Françesku.
“Nuk duhet të humbasim shpresën në malin e mëkateve, Pashkët janë koha kur kokat e varreve rrëzohen, e gurët rrokullisen,” – tha Ati i Shenjtë, duke përmendur edhe emigrantët. Ai denoncoi politikanët që shfrytëzojnë mendjengushtësinë lidhur me ta.
