Në ditën e Krishtlindjes, Papa Françesku ashtu sikurse çdo vit ka dhënë mesazhet e tij të rëndësishme në lidhje me situatën në botë. Në fjalën e tij, Papa Françesku ka paralajmëruar se bota po bëhet kaq e pandjeshme ndaj krizave dhe vuajtjeve.
Në mesazhin e tij vjetor për Ditën e Krishtlindjes, Papa vuri në dukje trazirat e vazhdueshme në Siri, Jemen dhe Irak, si dhe në zonat e Afrikës, Evropës dhe Azisë, e efektet e pandemisë dhe çështje të tjera të ngjashme.
Papa e ka mbyllur fjalimin e tij duke thënë: “Në këtë natë dashurie, le të kemi vetëm një frikë, atë të ofendojmë dashurinë e Zotit, ta lëndojmë atë duke përçmuar të varfrit me indiferencën tonë”. Duke folur para një turme të madhe në sheshin e Shën Pjetrit në Vatikan, Papa dënoi gjithashtu përdorimin e “armëve” të luftës. Ndërsa lufta në Ukrainë pushtoi pjesën më të madhe të fjalimit të tij 10-minutësh, ai përmendi gjithashtu konfliktet dhe krizat humanitare në Siri, Myanmar, Iran dhe Haiti, si dhe në rajonin Sahel të Afrikës, duke thënë se bota po përjetonte një “uri të paqes”.
Përgatitjet për këtë festë nisin javë përpara se vigjilja e 25 dhjetorit të shënojë edhe kulmin e festimeve. Dhurata, ushqime të shumëllojshme, e gjithë familja e mbledhur rreth tavolinës duke ndarë urime dhe mesazhet për vit më të mbarë e më të mirë.
Megjithatë bota katolike dhe ajo ortodokse duket se kanë disa ndryshime sa i përket riteve fetare. Besimtarët katolikë festojnë vigjiljen e krishtlindjeve gjatë mbrëmjes së datës 24 dhjetor ndërsa sa i përket besimtarëve ortodoksë ceremonia zhvillohet gjatë paradites së datës 25 dhjetor.
